Description
ទូ សាមុត ជាលេខាបក្សពលករកម្ពុជា និងជាមនុស្សមួយរូបដែលពេលនោះមានឥទ្ធិពលជាងប៉ុល ពត (សាឡុត ស) បានបាត់ខ្លួនយ៉ាងអាថ៌កំបាំងរហូតមកដល់ពេលនេះក៏មិនមានប្រភពណាហ៊ានអះអាងឱ្យច្បាស់ការណ៍ពីការស្លាប់របស់ទូ សាមុតដែរ។ មតិខ្លះថាវៀតណាមសម្លាប់គាត់!
តេីតាមសៀវភៅ របត់នយោបាយភាគបី របស់លោកឈឹម សេរីភួន ទូ សាមុតបាត់ខ្លួនថ្ងៃ២០ កក្កដា ១៩៦២។ មតិមួយថាគាត់ត្រូវបានប៉ូលីសរដ្ឋាភិបាលចាប់ខ្លួនចងជាមួយដុំថ្ម រួចទម្លាក់ចោលក្នុងទន្លេមេគង្គ។ តែប៉ូលីសសម្ដេចសីហនុមិនបានធ្វេីការស្រាវជ្រាវទេករណីនេះទេ។
ក្រោយថ្ងៃ៧ មករា ១៩៧៩ មេដឹកនាំយួនកុម្មុយនិស្តដែលបានផ្ដួលរបបកម្ពុជាប្រជាធិបតេយ្យជោគជ័យបាននិយាយក្នុងវគ្គរៀនសូត្រនយោបាយប្រាប់ពួកកម្មាភិបាលនៃរបបសាធារណៈរដ្ឋប្រជាមានិតកម្ពុជាថា គឺប៉ុល ពតជាអ្នកបញ្ជាឱ្យសម្លាប់ទូ សាមុតដេីម្បីយកតំណែងលេខាបក្សពលករកម្ពុជា។
និយាយពីនួន ជា ក្រោយពេលបាត់ខ្លួនទូ សាមុតជាច្រេីនថ្ងៃគាត់សង្ស័យថាទូ សាមុត ត្រូវសមត្ថកិច្ចចាប់ខ្លួន បន្ទាប់មកគាត់បានទទួលដំណឹងពីនាយទាហានជាន់ខ្ពស់ម្នាក់ថា គឺលន់ នល់ បានបញ្ជាឱ្យកូនទាហានចាប់ទូ សាមុតយកទៅបាញ់សម្លាប់នៅក្បែរវត្តចង្ក្រានតាព្រហ្មស្ទឹងមានជ័យ (វត្តស្ទឹងមានជ័យ)។
Reviews
There are no reviews yet.