ពីស.វ. ទី១៦ដល់១៨ មានសិលាចារឹកជាច្រើនដែលគេប្រទះឃើញនៅតាមបុរាណស្ថាននានាក្នុងប្រទេសកម្ពុជា។ ក្នុងនោះភាគច្រើនជាភាសាខ្មែរ។ បើនិយាយតែពីប្រាសាទអង្គរវត្ត ឃើញថាមានដល់ទៅប្រមាណ៤០តែឯង។ មួយភាគធំ គេចារនៅលើស្តម្ភនិងជញ្ជាំង ហើយច្រើនតែចារក្នុងឱកាសដែលគេមក «សំពះព្រះពិស្ណុលោក» គឺថាមកធ្វើបូជនីយកិច្ចនៅប្រាសាទដែលជានិមិត្តរូបនៃជាតិខ្មែរនេះ។ ជាញឹកញាប់ដែរ ដែលជាមួយគ្នានោះ គេយកខ្ញុំមកប្រោសឲ្យរួចជា «ព្រៃ» គឺថាឲ្យរួចជាអ្នកជា។

សិលាចារឹកស្ទើរតែទាំងអស់នោះមានការសិក្សាពីសំណាក់អ្នកប្រាជ្ញនានា។ ដោយផ្អែកលើការសិក្សាទាំងនោះហើយ ដែលរឿងប្រឌិត « #អាស្បូវ » នេះចេញជារូបរាងឡើង។