admin

មួយផ្នែកធំនៃបច្ចុប្បន្នភាពនៃសង្គមមួយ​វាជា​ផលនៃព្រឹត្តការណ៍​ផ្សេង​ៗដែលបានកេីតឡេីងក្នុងប្រវត្តិសាស្រ្ត។ គេមិនអាច​យល់ពីសង្គមមួយបានទេ សូម្បីតែជនជាតិដែលរស់នៅក្នុងសង្គមនោះផ្ទាល់ ក៏មិនអាចយល់ពីសង្គមគេបានដែរ បេីពួកគេមិនខ្វល់ មិនសិក្សាពីប្រវត្តិសាស្រ្ត​ដែលប្រ​ទាក់​ក្រឡា​គ្នា។ ប្រទេសខ្មែរធ្លាក់ដុនដាបបន្ទាប់ពីសម័យអង្គរមក មិនមែនជារឿងកេីត​ដោយឯកឯងទេ។ មួយផ្នែកដោយសារ​បរទេស​ ហេីយមួយផ្នែកទៀតដោយសារភាពអាត្មានិយម ដែលវាស៊ីបំផ្លាញទម្រង់សង្គម​ខ្មែរ ហេីយក្រោយមកទៀត​នៅសម័យបារាំងដាក់​អាណានិគមលេីឥណ្ឌូចិន​ (វៀតណាម​ ឡាវ​ កម្ពុជា) ដោយសារទម្រង់សង្គមត្រូវបានបំផ្លាញអស់ទៅហេីយ មនុស្សគិតតែប្រយោជន៍ខ្លួនឯង​ ឆ្លៀតឱកាសជិះជាន់វណ្ណៈទន់ខ្សោយ​ យូរៗទៅវាក្លាយទៅជាទម្លាប់​ទៅហេីយ។ នេះមិនទាន់និយាយដល់ភូមិសាស្រ្ត​នយោបាយ​ក្នុង​តំបន់​នេះផង។ តេីប៉ុន្មានអ្នកដែលខ្វល់​ និងព្យាយាមឈ្វេងយល់ពីរឿងនេះ?

នៅក្នុងឆ្នាំ១៩៧០ ដល់ឆ្នាំ១៩៧៥ ទោះបីបក្សកុម្មុយនីស្ដកម្ពុជា និងបក្សកុម្មុយនីស្តវៀតណាម ត្រូវប្រឈមមុខទល់នឹងសង្គ្រាមមួយដ៏កាចសាហាវយ៉ាងណាក៏ដោយ ហើយទោះបីបក្សទាំងពីរមិននិយាយជាចំហក៏ដោយ ក៏គេដឹងថា បក្សទាំងពីរបានខ្វែងគំនិតគ្នា និងទំនាស់គ្នាជាយូរមកហើយ ។  បើនិយាយតែត្រឹមក្រោយរដ្ឋប្រហារ ទំនាស់ចាប់ផ្ដើមតាំងពីខែមេសា ឆ្នាំ១៩៧០ ។ ពេលនោះនៅក្នុងកិច្ចសន្ទនាមួយជាមួយប៉ុល ពត ឡេយន់ អគ្គលេខានៃបក្សកុម្មុយនីស្តវៀតណាមបានស្នើឱ្យចាត់តាំងគណៈបញ្ជាការរួមមួយនៃកងកម្លាំងប្រដាប់អាវុធប្រទេសទាំងពីរនៅកម្ពុជា ។ ប៉ុល ពត មានការប្រុងប្រយ័ត្ន ហើយបានគេចដោយសម្អាងលេសថា គាត់ត្រូវទៅសួរមតិរបស់គណៈមជ្ឈឹមបក្សកុម្មុយនីស្ដកម្ពុជាសិន ។… Read More »បក្សកុម្មុយនិស្ដកម្ពុជា និងបក្សកុម្មុយនិស្តវៀតណាម